{"source":"other","uid":"6B06F2DB-1E6E-4915-BF47-D780DACFBF9F_1630036108004","origin":"gallery","fte_sources":[],"used_sources":"{"version":1,"sources":[]}","premium_sources":[],"is_remix":false}
Sheremet Osmani – një qytetar nga Vushtrria, ishte aksidentuar në maj të vitit 2024. Makina e tij ishte goditur nga një autoambulancë, e cila është në pronësi të Qendrës Kryesore së Mjekësisë Familjare (QKMF) në Mitrovicë.
Sipas raportit zyrtar të Policisë së Kosovës, fajtor për aksidentin ka qenë shoferi i autoambulancës, që ka hyrë në të kuqen në semafor.
Por kur qytetari Sheremet Osmani ishte paraqitur te kompania e sigurimeve për të vlerësuar dëmin dhe për të marrë kompensimin, kishte kuptuar se autoambulanca e QKMF-së në Mitrovicë, nuk ishte siguruar.
Komuna e kishte paguar policën e sigurimit dhe kishte kontratë të nënshkruar me kompaninë e sigurimeve “Pri-sig”, por autoambulanca nuk kishte sigurim të automjetit, ka zbuluar kallxo.com
Sipas Osmanit, aksidenti kishte ndodhur në Vushtrri, në semaforat te rruga e njohur si “rruga e Studimes”, me 14.05.2024.“Unë jam kanë duke pritë në semafor, më është hapur semafori drita e gjelbër, jam nisë – më ka ardhë ndihma e shpejtë me një shpejtësi shumë të madhe edhe kemi bë aksident.
Lëndime trupore ka pasur pak, lëndime materiale ka pasë më shumë. Vetura është dëmtuar goxha shumë” – ka thënë qytetari nga Vushtrria.
