Shpërthimi i një bombole në një shtëpi në rrugën “Muharrem Fejza” në Prishtinë shkaktoi rrezik të përgjithshëm të enjten në mëngjes. Një person përfundoi në QKUK si pasojë e lëndime, teksa u shkaktuan edhe dëme materiale, raporton Gazeta Prishtina Post
Siç merr vesh Sinjali, incidenti ndodhi teksa pronari i shtëpisë ishte duke e montuar bombolën, kur papritmas ka filluar të digjet dhe të njëjtën e ka hedhur.
Për pasojë, bombola ka shpërthyer në katin e dytë dhe një person ka pësuar lëndime, i cili është dërguar menjëherë në Qendrën Klinike Universitare të Kosovës për trajtim mjekësor.
Lidhur me rastin, Policia ka ndërmarrë veprimet e nevojshme hetimore, ndërsa pronari i shtëpisë është intervistuar në cilësinë e personit të dyshuar.
Ndaj tij, me urdhër të Prokurorit të Shtetit është iniciuar rasti.
