Gjatë takimit, kryeministri Kurti theksoi se anëtarësimi i Kosovës në NATO mbetet prioritet strategjik i Republikës së Kosovës, në funksion të paqes së qëndrueshme dhe sigurisë afatgjatë në Ballkanin Perëndimor dhe në mbarë Evropën.
Në takim u diskutua për bashkëpunimin dhe hapat e mëtejmë drejt integrimit euroatlantik, përparimin demokratik dhe zhvillimin e vazhdueshëm ekonomik të vendit, si dhe për situatën e sigurisë në Kosovë dhe në rajon.
Vëmendje e veçantë iu kushtua edhe ngritjes së kapaciteteve mbrojtëse të Forcës së Sigurisë së Kosovës dhe avancimit të aftësive profesionale të pjesëtarëve të saj, në përputhje me politikat dhe standardet e Aleancës së Atlantikut të Veriut.
Takimi riafirmoi rëndësinë e bashkëpunimit me partnerët ndërkombëtarë në fushën e sigurisë dhe mbrojtjes, si dhe përkushtimin e Republikës së Kosovës për të kontribuar në paqen, stabilitetin dhe sigurinë rajonale e evropiane.
Vesa Luma e etiketon Donika Gërvallën për rastin…
Policia e Kosovës suspendon 11 zyrtarë policorë nga…
Presidentja Shiroka Pula priti ambasadorin britanik, diskutojnë për…
Apeli sqaron pse një pjesë e seancës për…
