Një tjetër skandal po trondit skenën shqiptare, pasi Elton Tozaj ka paralajmëruar një publikim të ri që lidhet me kryetarin e Bashkisë së Kolonjës, Erion Isai. Kjo herë, ai pretendon se një këngëtare e njohur është përfshirë në këtë histori të errët.
Tozaj, përmes një postimi në Instagram, njoftoi se do të publikojë detaje të reja në orën 22:00, duke lënë të kuptohet se identiteti i këngëtares do të zbulohet atëherë.
Ai shkruan: “Dhe një këngëtare shumë e njohur e përfshirë në pisllëqet e Erion Isait! Sonte ora 22:00”, duke ngjallur kuriozitetin e ndjekësve.
Ky paralajmërim vjen pas disa akuzave të tjera të rënda që Tozaj ka bërë ndaj Isait, ku ai pretendon se kryebashkiaku ka kërkuar favore seksuale nga punonjësit meshkuj të bashkisë. Ai gjithashtu ka deklaruar se disponon emrat e personave të përfshirë në këto skandale.
Tozaj ka publikuar gjithashtu prova të bisedave private që pretendon se i përkasin Isait dhe një individi tjetër. Në këto materiale shfaqet një profil me emrin e kryebashkiakut, si dhe komunikime me përmbajtje intime. Megjithatë, autenticiteti i këtyre bisedave ende nuk është verifikuar nga burime të pavarura.
Me publikimin e ri që pritet në orën 22:00, Tozaj ka lënë të kuptohet se do të zbulojë më shumë detaje rreth përfshirjes së këngëtares. Megjithatë, deri tani ai nuk ka dhënë informacione të tjera, duke lënë të hapur pyetje mbi rolin e artistes në këtë çështje të ndjeshme.
Erion Isai, nga ana e tij, nuk ka ofruar asnjë reagim publik në lidhje me akuzat e ngritura nga Tozaj, as për autenticitetin e materialeve të publikuara. Kjo heshtje e tij ngre më shumë pyetje dhe krijon një atmosferë tensioni në lidhje me situatën aktuale.
