Vendimi i fundit i Dhomave të Specializuara për ish-krerët e Ushtrisë Çlirimtare të Kosovës (UÇK) ka nxitur reagime dhe ka çuar betejën juridike në Gjykatën e Apelit. Avokati Skender Musa shprehu shqetësimin e tij lidhur me aktgjykimin, duke theksuar se ai bie ndesh me ligjin penal të zbatueshëm në kohën e pretenduara të veprave.
Sipas avokatit Musa, ligji i atëhershëm, ai i Republikës Socialiste Federative të Jugosllavisë, parashikonte dënim maksimal prej 15 vjetësh ose dënim me pushkatim, ndërsa Gjykata ka shqiptuar dënime më të larta, si 25 apo 18 vjet. Ai e cilësoi këtë si një shkelje të rëndë të ligjit penal.
Musa vuri në dyshim edhe procesin gjyqësor në Hagë, duke theksuar se është e papranueshme që asnjë i akuzuar deri më tani nuk është shpallur i pafajshëm. Ai sugjeron se ky fakt tregon për një gjykatë politike dhe të padrejtë, e cila synon dënimin e luftëtarëve të UÇK-së.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Lidhur me hapat e ardhshëm, avokati sqaroi se pas pranimit zyrtar të aktgjykimit, mbrojtja do të përgatisë ankesat. Ky proces pritet të zgjasë rreth 12 muaj, por mund të ketë edhe zgjatje për shkak të kompleksitetit të lëndës.
Musa theksoi nevojën për të kundërshtuar aktgjykimin në të gjitha bazat ligjore, duke përfshirë pretendimet për shkelje të procedurës penale dhe mungesën e një gjykimi të drejtë. Ai gjithashtu kritikoi mënyrën e vërtetimit të gjendjes faktike, pasi gjykata dhe prokurorët nuk kanë vizituar vendet ku pretendohet se kanë ndodhur krimet.
Avokati shprehu optimizëm se Gjykata e Apelit mund të anulojë aktgjykimin, ta kthejë lëndën për rigjykim, apo edhe të shpallë të pafajshëm ish-krerët e UÇK-së. Ai nënvizoi se aktgjykimi aktual mbështetet kryesisht në prova rrethanore, ndërsa ligji penal kërkon prova materiale për dënimin e asnjë qytetari.
Kujtojmë se Gjykata Speciale ka dënuar me gjithsej 81 vjet burgim katër ish-krerë të UÇK-së: Hashim Thaçin, Kadri Veselin, Jakup Krasniqin dhe Rexhep Selimin.
