Deputeti i PDK-së, Mërgim Lushtaku, ka reaguar ashpër pas vendimit të fundit të Gjykatës Speciale në Hagë, duke e cilësuar atë si një “padrejtësi historike dhe ndërkombëtare” për Kosovën dhe për luftëtarët e saj.
Lushtaku shprehu shqetësimin e thellë për vendimin, duke theksuar se ai përbën një goditje të rëndë për moralin dhe politikën e vendit. Sipas tij, vendimi duket të jetë ndikuar nga interesa të caktuara që synojnë të njollosin luftën dhe historinë e Ushtrisë Çlirimtare të Kosovës (UÇK).
“Dhe padrejtësia më e madhe është se këtë vendim e morët në emër të Popullit të Kosovës! Jo! Asnjëherë në emër të Popullit të Kosovës!”, theksoi Lushtaku, duke shprehur indinjatën e tij për mënyrën se si është trajtuar ky rast.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ai nënvizoi se historia e Kosovës nuk mund të rishkruhet përmes vendimeve gjyqësore, duke e konsideruar këtë si një tentativë për të manipuluar të kaluarën e vendit. Lushtaku përfundoi reagimin e tij me një mesazh të fuqishëm: “Jo në emrin tim. Jo në emër të Popullit të Kosovës. Lavdi për Çlirimtarët!”
