Presidenti serb, Aleksandar Vuçiq, u përball me një pyetje sfiduese nga gazetarja Zhaklina Tataloviq gjatë një konference për media, menjëherë pas njoftimeve për largimin e tij nga posti presidencial. Tataloviq nxiti Vuçiqin të fliste për procesin e tij të ‘paketimit’ nga Presidenca, duke e lidhur drejtpërdrejt me çështjen e aktakuzave ndaj ish-krerëve të Ushtrisë Çlirimtare të Kosovës (UÇK).
“Si po shkon procesi i paketimit? A do të merrni me vete vetëm librat nga 27 shtatori, apo do të merrni edhe ‘Çacilendin’, çadrat dhe gardhin që kanë qenë këtu për më shumë se një vit e gjysmë, si dhe njerëzit me dosje kriminale që ju rrethojnë?”, ishte pyetja e gazetares.
Vuçiq, duke u përpjekur të shmangë një përgjigje të drejtpërdrejtë lidhur me ‘Çacilendin’ dhe personat që kanë qëndruar pranë Presidencës, u shpreh se do të përpiqej të vepronte “me mirësjellje”. Ai konfirmoi se po paketonte gjërat e tij personale nga zyra presidenciale, duke shtuar se po largohej nga ky post si një njeri i ndershëm që i ka shërbyer me besnikëri popullit të tij.
Presidenti serb shtoi se kabineti presidencial do të dukej i zbrazët, duke e krahasuar me pamjen e tij të mëparshme kur ishte plot me libra dhe fotografi familjare. Megjithatë, ai nuk ofroi asnjë detaj mbi fatin e ‘Çacilendit’, çadrave apo protestuesve të pranishëm pranë Presidencës.
