Shtetet e Bashkuara të Amerikës kanë reaguar fuqishëm pas shpalljes së aktgjykimit nga Dhomat e Specializuara të Kosovës, duke theksuar mbështetjen për procesin e drejtësisë. Një zëdhënës i Departamentit të Shtetit amerikan konfirmoi për Radion Evropa e Lirë se Uashingtoni pranon vendimin për ish-liderët e UÇK-së, duke e cilësuar si një hap të rëndësishëm.
“Ne e respektojmë aktgjykimin e sotëm të Dhomave të Specializuara të Kosovës”, deklaroi zyrtari amerikan, duke iu referuar vendimit të datës 16 shtator. SHBA nënvizon rëndësinë jetike të drejtësisë për të gjitha viktimat dhe familjet e tyre, duke ripohuar angazhimin e saj për parimet e llogaridhënies dhe sundimit të ligjit, themelore për çdo shoqëri demokratike.
Uashingtoni gjithashtu i bën thirrje të gjitha palëve të përfshira që të respektojnë vendimin e gjykatës dhe të shmangin çdo formë retorike që mund të nxisë tensione të reja. “U bëjmë thirrje të gjitha palëve që ta respektojnë vendimin e gjykatës, të shmangin retorikën nxitëse dhe të vazhdojnë të punojnë drejt një të ardhmeje paqësore dhe demokratike”, theksoi zëdhënësi.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ky reagim vjen pas shpalljes së aktgjykimit të shkallës së parë në Hagë, ku Hashim Thaçi dhe Jakup Krasniqi u dënuan me nga 25 vjet burgim, Kadri Veseli me 18 vjet, dhe Rexhep Selimi me 13 vjet. Të katër të akuzuarit janë shpallur fajtorë për krime lufte, përfshirë ndalimin arbitrar dhe torturën. Vendimi ka gjeneruar reagime të shumta në Kosovë, me qytetarë të mbledhur në Prishtinë dhe mbështetës të ish-krerëve të UÇK-së pranë selisë së gjykatës në Hagë.
