Pas katër edicioneve të suksesshme si moderatore e ‘Big Brother VIP Kosova’, Jonida Vokshi ka marrë një vendim të rëndësishëm për karrierën e saj, duke u tërhequr përkohësisht nga ekrani televiziv për t’iu përkushtuar plotësisht pasioneve të saj në fushën e filmit dhe teatrit.
Në një intervistë të fundit, Vokshi zbuloi dëshirën e saj për të investuar më shumë kohë dhe energji në projekte artistike, duke lënë pas krahëve rolin e saj të njohur si moderatore e spektaklit të njohur. Ky është një hap i guximshëm për Jonidën, e cila ka qenë një figurë qendrore në ‘Big Brother VIP Kosova’ që nga fillimi i formatit.
“Momentalisht i kam dhënë pak kohë vetes të largohem nga televizioni dhe të merrem me filmin dhe teatrin”, u shpreh Jonida, duke theksuar se eksperienca në ‘Big Brother VIP Kosova’ do t’i mungojë, por ajo do ta ndjekë formatin si një shikuese e rregullt.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Me një karrierë të pasur televizive, ku ka moderuar katër edicione të BBVK, Jonida Vokshi tani synon të eksplorojë dimensione të reja artistike dhe të sjellë kontribute freskuese në skenën e teatrit dhe filmit. Ky vendim reflekton ambicien e saj për t’u rritur si artiste dhe për të kontribuar në projekte që e frymëzojnë.
Publiku pret me padurim të shohë projektet e reja të Jonidës, e cila duket e gatshme për të përballuar çdo sfidë në këtë fazë të re të karrierës së saj, duke synuar të sjellë performanca që do të lënë gjurmë.
