Kreshnik Gjergji, bashkëshorti i njohur i këngëtares Dafina Zeqiri, ka ndezur rrjetet sociale me një histori të pazakontë përvojëje në një lokal fast-food. Ngjarja, që ka shkaktuar reagime të shumta, nisi kur Gjergji, pasi porosit një hamburger, kuptoi se nuk kishte para të imëta për të paguar. Ai propozoi që të merrte ushqimin dhe të paguante më vonë, por punëtori i lokalit refuzoi, duke i kërkuar kthimin e porosisë. Gjergji shprehu zhgënjimin e tij në një postim ku thuhej: “Ni i fikt n’shpirt mshtini me kthy bukën se spat t’ima”.
Situata mori një kthesë dramatike kur një person, i identifikuar si punëtori i fast-food-it, iu kundërpërgjigj në komente, duke ofruar një version të ndryshëm të ngjarjeve. Ai pretendoi se Gjergji kishte tentuar të paguante me një kartëmonedhë 50 euro dhe lokali nuk kishte mundësi t’i jepte kusurin. Punëtori akuzoi Gjergjin për sjellje jo të përshtatshme dhe sugjeroi një takim për fotografi, duke shtuar tensionin.
Gjergji reagoi ashpër ndaj këtyre pretendimeve, duke i cilësuar si gënjeshtra dhe duke deklaruar me forcë: “Drynin e k’tij sigur t’veç n’deksha une”. Ai shkoi më tej, duke kërcënuar se do të hapte një lokal konkurrent në të njëjtën rrugë, duke u shprehur: “Une e di çka kam me t’i qel ntona anët, une i maj me minus krejt”. Gjergji përfundoi duke ofruar t’i jepte hamburgerë falas atyre që nuk kanë mundësi të paguajnë, një deklaratë që ka nxitur diskutime të shumta online.
