Aktori i njohur Jul Deda ka reaguar fuqishëm ndaj akuzave të fundit që e implikojnë atë në menaxhimin e llogarive të rreme në rrjetet sociale. Pas publikimit të një artikulli nga portali ‘Prapaskena’, Deda zgjodhi platformën e Instagramit për të sqaruar publikisht qëndrimin e tij.
Në një postim të drejtpërdrejtë, aktori shprehu shqetësimin e thellë për këto akuza të rënda, duke i mohuar kategorikisht çdo lidhje me faqen ‘ON/OFF TV’ në Instagram. Sipas raportimeve, kjo faqe dyshohet se ka shpërndarë materiale me qëllim dëmtimin e figurave publike dhe mediatike.
‘Është shumë e rëndë të dëgjoj apo të lexoj këto fjalë për mua. E përgënjeshtroj këtë fakt me gjithë fuqinë time. Nuk do guxoja kurrë ta bëja këtë, aq më tepër për vendet ku kam punuar dhe jetuar, aq më tepër për kolegët me të cilët kam punuar,’ deklaroi Deda me një ton të qartë dhe të vendosur.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Aktori theksoi ndjenjën e pafuqisë përballë këtyre akuzave dhe mungesën e mënyrave për të provuar pafajësinë e tij, përveçse duke i mohuar ato me forcë. Ai shprehu keqardhje për situatën dhe për ata që e njohin dhe i besojnë atij.
‘Edhe njëherë, e përgënjeshtroj, se më shumë s’di ça të bëj në këtë vend. Kush më beson mirë, kush nuk më beson s’kam ça bëj. Faleminderit për mirëkuptimin,’ përfundoi ai.
Ky reagim vjen pas pretendimeve të portalit ‘Prapaskena’ se Deda ka pasur lidhje me një faqe që synonte të dëmtonte imazhin e mediave të njohura si Top Channel, TV Klan dhe Syri TV. Jul Deda i ka hedhur poshtë këto akuza si të pabaza dhe të rrezikshme, duke theksuar angazhimin e tij për ruajtjen e integritetit si artist dhe individ.
