Detaje të reja kanë dalë në dritë pas vendimit të Gjykatës së Tiranës për ta lënë këngëtarin Jozefin Marku në masën e sigurisë “arrest shtëpie”, lidhur me ngjarjen e papritur mes tij dhe Eduard Kuçit. Marku ka shprehur pendesë për veprimin e tij, duke e cilësuar si një moment impulsiv të nxitur nga gjaknxehtësia.
“Kërkoj ndjesë për veprimin. E kam kryer në gjaknxehtësi e sipër. Nuk e njihja më parë Eduard Kuçin. E kam njohur në rrjetet sociale, ku më ka sharë familjen,” ka deklaruar Marku, duke shpjeguar se konflikti ka lindur pikërisht nga ofendimet në rrjetet sociale.
Këngëtari ka theksuar se kontakti fizik ka qenë minimal, duke e përshkruar si një goditje të vetme, një shpullë, me qëllim që Kuçi t’i kërkonte falje për fyerjet ndaj familjes së tij. Ai ka sqaruar se nuk ka pasur asnjë lloj përplasjeje apo njohjeje paraprake me Eduard Kuçin.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Situata ka nxitur reagimin e organeve të drejtësisë. Ndërkohë që Prokuroria kishte kërkuar një masë më të rëndë, “arrest me burg”, Gjykata vendosi masën e “arrest shtëpie” për Jozefin Markun. Hetimet për këtë rast janë ende në vijim, teksa autoritetet po vlerësojnë të gjitha rrethanat dhe përgjegjësitë.
Ky incident ka tërhequr vëmendjen e opinionit publik dhe medias, duke ngritur sërish diskutime mbi dinamikat e marrëdhënieve në ambientin e artit dhe showbiz-it, si dhe ndikimin e theksuar të platformave sociale në jetën e individëve.
