Pas arrestimit të këngëtarit Jozefin Marku nga Policia e Tiranës, një valë e fortë mbështetjeje ka përfshirë opinionin publik dhe personalitetet e njohura shqiptare. Marku, i cili dyshohet për pesë vepra penale lidhur me një incident pranë mbikalimit të Rinasit, ka gjetur mbështetje të menjëhershme nga miqtë dhe kolegët e tij në rrjetet sociale.
Reagimet kanë qenë të shumta, duke shprehur besimin te pafajësia e tij dhe duke kërkuar lirimin e menjëhershëm. Artisti G-Bani ka postuar një fotografi me Markun, duke shkruar: “Rrespekti për familje, për nder dhe për Shqipni, asht ma i fort nga çdo burg dhe çdo qeli…”, duke nënvizuar lidhjet e forta miqësore dhe moralin e këngëtarit.
Seldi Qalliu gjithashtu ka kërkuar lirimin e tij, duke deklaruar: “Free @joz_marku. S’ka bo asgjë, veçse ka marrë të drejtën që i takon pasi iu sha familja live para të gjithëve”. Ky koment sugjeron se Qalliu e sheh arrestimin si një çështje të mbrojtjes së dinjitetit familjar.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Valbona Mhilli i ka shprehur mbështetjen duke postuar një fotografi të vjetër me shkrimin: “Me ty vllai im!”. Ndërkohë, artistja Hatixhe Brika (Hati) ka ndarë një video nga ditëlindja e saj ku Jozi performonte, duke treguar se mbështetja për këngëtarin po rritet çdo orë.
Ky solidaritet i gjerë nga figura publike tregon rëndësinë e lidhjeve personale dhe mbështetjen që gëzon Jozefin Marku në mesin e kolegëve dhe miqve të tij, sidomos në momente sfiduese.
