Finalisti i njohur i “Big Brother VIP Albania 5”, Rogert Sterkaj, ka shkaktuar bujë në rrjetet sociale me komentet e tij drejtuar Alaudin Hamitit, moderatorit të “Big Brother VIP Kosova”. Pas përfundimit të edicionit ku u rendit i katërti, Sterkaj ka shpërndarë në Instagram disa mendime që kanë ngritur pikëpyetje mbi formatin dhe moderimin e dy produksioneve të ndryshme të “Big Brother”.
Rogerti ka vënë në dukje se “Big Brother VIP Kosova” është drejtuar nga dy moderatorë, ndërsa edicioni shqiptar nga një i vetëm. Ky dallim ka nxitur pyetjen e tij publike: “A do të konkurrojë Klan Kosova me Top Channel në Big Brother? Pse duhet të kemi DY prezantues?”. Kritika e tij duket se synon Alaudin Hamitin, i cili ka pasur një rol kyç në formatin kosovar.
Situata u bë edhe më pikante kur Sterkaj ironizoi vlerësimet për Hamitin si “prezantuesi më i mirë në Kosovë”, duke e krahasuar atë me Ledion Liçon, moderatorin e “Big Brother VIP Albania”. “Apo ky tipi që premton spektakël, a.k.a. ‘prezantuesi më i mirë i Kosovës’, nuk është gati të përballet vetëm me demonin e etur?”, shkroi Sterkaj, duke lënë të kuptohet se sfida ishte mes tij dhe Ledionit.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ky debat vjen në një periudhë sensitive për “Big Brother VIP Kosova”, pasi është njoftuar se Jonida Vokshi nuk do të jetë më moderatore. Mbetet e paqartë nëse Alaudin Hamiti do të drejtojë i vetëm edicionin e ardhshëm apo do t’i bashkohet një tjetër figurë.
Ndërkohë, Ledion Liço ka drejtuar tre edicionet e fundit të “Big Brother VIP Albania”, përfshirë atë ku Sterkaj ishte finalist. Tensioni mes ish-banorit dhe moderatorit kosovar ka tërhequr vëmendjen e publikut, teksa mbetet për t’u parë nëse Hamiti do të japë një përgjigje publike ndaj komenteve të Sterkaj.
