Cristiano Ronaldo ka dërguar një mesazh mbështetjeje për Lionel Messin pas lajmit të trishtë të ndarjes nga jeta të babait të tij, Jorge Messi, në moshën 68-vjeçare. Ky gjest i veçantë i yllit portugez ka marrë vëmendje të madhe në rrjetet sociale.
Pas humbjes së babait, Lionel Messi ndau disa fotografi emocionuese me të në Instagram, duke shkruar: “Të dua, babi”. Komenti i Cristiano Ronaldos nën këtë postim ka spikatur mes qindra reagimeve të tjera. Pavarësisht rivalitetit të gjatë në fushën e futbollit, Ronaldo tregoi solidaritet duke i shkruar Messit: “Një përqafim i madh për ty dhe njerëzit e tu në këto momente të vështira, Leo. Shumë forcë”.
Ky mesazh ngushëllimi nga Ronaldo ka marrë qindra mijëra pëlqime, duke treguar respektin e madh që fansat kanë për marrëdhënien mes dy legjendave të futbollit. Jorge Messi, i cili gjithashtu shërbeu si menaxher dhe mbështetës kryesor i karrierës së djalit të tij, ndërroi jetë në Rosario të Argjentinës pas një sëmundjeje të gjatë.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Në këtë kohë të vështirë për familjen Messi, mbështetja e Ronaldos ka gjetur jehonë te shumë figura të tjera të njohura të botës së futbollit, të cilët kanë lënë mënjanë çdo rivalitet për t’i shprehur ngushëllimet dhe mbështetjen argjentinasit.
