Këngëtarja shqiptare me famë botërore, Rita Ora, ka ndarë një detaj personal nga jeta e saj, duke zbuluar objektin që e shoqëron kudo: një varëse e personalizuar me kristale.
Në një intervistë për prestigjiozen ‘The New York Times’, Ora tregoi se kjo varëse, dhuratë nga një mike e ngushtë për 34-vjetorin e saj, nuk është thjesht një aksesor, por një burim i fuqishëm qetësie, mbrojtjeje dhe ekuilibri në botën e vrullshme të industrisë muzikore.
Varësja, e krijuar me kristale të zgjedhura posaçërisht për nevojat e saj shpirtërore, përmban elementë si citrin për energji pozitive, kuarc të tymosur për stabilitet, ametist të gjelbër dhe kuarc të pastër për të forcuar synimet dhe vetëdijen.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
“Është një lloj objekti që më ndihmon të çliroj stresin dhe të ruaj energjinë time. Në këtë industri është shumë e lehtë të humbasësh ekuilibrin, ndaj kjo më ndihmon të qëndroj e përqendruar”, shpjegoi Rita.
Edhe pse pranon se mund të jetë një efekt psikologjik apo placebo, këngëtarja thekson besimin e saj të fortë te energjia reale e kristaleve. “Ndoshta është thjesht mendore, por ndihem e mbrojtur. Ndihem më e qëndrueshme. Nuk e di nëse është placebo, por besoj se këto gjëra mbajnë energji dhe energjia është reale”, u shpreh ajo.
Rita Ora zbuloi se e mban varësen pothuajse gjithmonë me vete, madje edhe kur nuk përputhet me veshjen e saj. “E vendos sa herë që mundem. Ndërroj shpesh veshjet, kështu që nëse nuk përputhet me to, e mbaj në çantë. Është gjithmonë me mua”, tha ajo.
Në të njëjtën intervistë, artistja foli edhe për rrënjët e saj shqiptare, duke theksuar se bestytnitë dhe traditat familjare kanë qenë pjesë integrale e rritjes së saj.
