Chelsea ka kryer një transferim me jehonë të madhe në tregun e futbollit, duke siguruar shërbimet e talentit anglez Morgan Rogers nga Aston Villa. Shuma e raportuar për këtë marrëveshje arrin në 117 milionë paundë, duke e bërë Rogers lojtarin më të shtrenjtë në historinë e klubit londinez dhe një nga më të shtrenjtët në Premier League.
Rogers, 23 vjeç, ka qenë një figurë kryesore për Aston Villa gjatë sezonit të kaluar, duke treguar performanca mbresëlënëse që kanë tërhequr vëmendjen e disa prej klubeve më të mëdha të Europës. Fillimisht, Arsenal shfaqi interes të fortë dhe ishte pranë arritjes së një marrëveshjeje, duke qenë gati të plotësonte kërkesat financiare të Aston Villa.
Megjithatë, Chelsea arriti të ndërhynte dhe të ofronte një paketë të pakundërshtueshme, duke siguruar në fund nënshkrimin e tij. Lajmi për marrëveshjen u konfirmua sot nga burime të shumta, përfshirë The Athletic, duke vulosur kështu një nga transferimet më të bujshme të verës.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ky blerje e konsiderueshme tregon ambiciet e mëdha të Chelseat për të forcuar skuadrën dhe për të konkurruar për trofe të rëndësishëm në sezonin e ardhshëm. Rogers pritet të nënshkruajë një kontratë afatgjatë prej 6 vjetësh, me opsion për zgjatje edhe për një vit tjetër, një sinjal i qartë i besimit të klubit te potenciali i tij.
Prezantimi zyrtar i Morgan Rogers te Chelsea është planifikuar për të hënën, një event që pritet të gjenerojë interes të madh në mesin e mediave dhe tifozëve. Të gjithë presin me padurim të shohin se si ky talent i ri do të integrohet në ekipin e drejtuar nga trajneri dhe çfarë kontributi do të japë ai në përpjekjet e klubit për të rikthyer veten në elitën e futbollit anglez dhe evropian.
