Marrëdhënia mes Soni Malajt dhe Flor Mumajesit vijon të jetë një nga temat që ngjall më shumë interes te publiku, sidomos pas rrëfimeve dhe emocioneve që këngëtarja ndau gjatë qëndrimit të saj në “Ferma VIP 3”.
Së fundmi, në “Post Ferma VIP”, Soni u përball me një pyetje që shumë ndjekës kanë pritur prej kohësh: a ka pasur komunikim me Flor Mumajesin pas përfundimit të spektaklit?
E pyetur nga moderatori Florian Agalliu, këngëtarja u përgjigj shkurt: “Jo”.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Megjithatë, përgjigjja e saj nuk i mbylli spekulimet. Përkundrazi, në studio nisën menjëherë batutat dhe aludimet.
“Jo po, apo jo jo?”, e pyeti me humor Sara, duke shkaktuar të qeshura mes të pranishmëve.
Edhe Einxhel Shkira vendosi t’i shtojë më shumë mister situatës, duke komentuar se ndoshta dyshja nuk kishin komunikuar sepse mund të ishin takuar personalisht.
Ndërkohë, Florian Agalliu u shpreh se kishte kuptuar më shumë nga reagimi i Sonit sesa nga vetë përgjigjja e saj, duke lënë të nënkuptohej se historia mund të mos jetë aq e thjeshtë sa duket.
Pavarësisht aludimeve të shumta që vijojnë në rrjetet sociale, Soni Malaj nuk dha asnjë detaj tjetër lidhur me raportin që ka aktualisht me Flor Mumajesin, duke lënë sërish hapësirë për interpretime.
Për momentin, nuk ka asnjë konfirmim për një rikthim të mundshëm mes tyre, por mjaftoi një përgjigje e shkurtër dhe disa reagime në studio që emrat e Sonit dhe Florit të rikthehen sërish në qendër të vëmendjes.
