Lidhja Demokratike e Kosovës nuk e ka përjashtuar mundësinë e një koalicioni qeverisës me Lëvizjen Vetëvendosje për formimin e institucioneve të reja.
Në këtë drejtim, nënkryetari i LDK-së, Lutfi Haziri, ka deklaruar se Kosova ka nevojë për formim të shpejtë të institucioneve dhe se partia e tij është e hapur për bashkëpunim.
“Ne jemi të gatshëm qysh sonte për bashkëpunim”, ka deklaruar Haziri.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ndërkohë, kryeministri në detyrë, Albin Kurti, ka thënë se komunikimet me partitë politike do të nisin menjëherë pas certifikimit të rezultateve nga Komisioni Qendror i Zgjedhjeve (KQZ).
“Po sa të certifikohet rezultati do t’i fillojmë komunikimet menjëherë”, është shprehur Kurti.
Aktualisht, KQZ-ja është në pritje të përfundimit të procedurave ankimore para shpalljes së rezultateve përfundimtare të zgjedhjeve të parakohshme parlamentare të 7 qershorit.
LVV, e udhëhequr nga Kurti, ka fituar shumicën parlamentare me 53 deputetë, ndërsa PDK ka siguruar 22 deputetë, LDK 18 deputetë dhe AAK 7 deputetë.
Me këtë shpërndarje mandatesh, LVV ka mundësinë të formojë qeverinë pa koalicion me partitë e tjera shqiptare, por i nevojitet mbështetja për zgjedhjen e presidentit, ku kërkohet që gjatë votimit të jenë të pranishëm së paku 80 deputetë.
Një marrëveshje me LDK-në do të siguronte 82 vota, vetëm dy më shumë se minimumi kushtetues prej 80 deputetësh që nevojiten për raundin e parë dhe të dytë të votimit për president.
Ndërkohë, formimi i një qeverie pa Lëvizjen Vetëvendosje mbetet më i vështirë, pasi tri partitë e ish-opozitës së bashku kanë 47 deputetë dhe u nevojiten edhe 14 deputetë të tjerë për shumicën e nevojshme.
Certifikimi i rezultateve nga KQZ pritet të bëhet në ditët e para të muajit korrik.
Prishtina Post – lajme të shpejta dhe të sakta.
