Finalja e madhe e spektaklit ‘Ferma VIP 3’ ka sjellë një surprizë të papritur përsa i përket shumës së çmimit të madh. Edhe pse në fillim të sezonit u bë publike se fituesi do të shpërblehej me 200 mijë euro, një shumë më e lartë se në edicionet e kaluara, prezantuesja Arbana Osmani zbuloi gjatë finales se vlera reale është më e ulët.
Sipas njoftimit të bërë live, çmimi i madh nuk arrin më 200 mijë euro, por është ulur në 129 mijë euro. Kjo ulje prej 71 mijë eurosh vjen si pasojë e sfidave të humbura nga fermerët gjatë javëve të garës. Gjatë zhvillimit të spektaklit, banorët patën mundësinë të ruanin apo rrisnin vlerën e çmimit përmes realizimit të provave dhe sfidave të ndryshme, por dështimi në disa prej tyre ka bërë që fondi i çmimit të reduktohet gradualisht.
Megjithë uljen e konsiderueshme, 129 mijë euro mbeten një nga shpërblimet më të larta të ofruara ndonjëherë në formatet televizive shqiptare. Tani mbetet të shihet se cili prej finalistëve do të arrijë të tregohet më i forti dhe të largohet nga ‘Ferma VIP 3’ me çekun e konsiderueshëm prej 129 mijë eurosh.
