Natën finale të spektaklit më të përfolur, “Ferma VIP”, ka sjellë emocionet e para të forta si për banorët ashtu edhe për publikun e gjerë. Pas numërimit të votave nga publiku, është konfirmuar se Bujaka është konkurrenti i parë që lë garën në këtë fazë vendimtare, duke i dhënë fund kështu aventurës së tij në edicionin e sivjetmë të “Ferma VIP”.
Menjëherë pas shpalljes së rezultateve, Bujaka ka shprehur mirënjohjen dhe lumturinë e tij për përvojën e fituar. Ai theksoi se ndihet tejet krenar që arriti të mbërrijë deri në natën finale të këtij formati. Pavarësisht se nuk arriti të shpallet fitues i çmimit të madh, Bujaka e ka përmbyllur pjesëmarrjen e tij në “Ferma VIP” me një buzëqeshje, duke falënderuar publikun për mbështetjen e vazhdueshme dhe duke ndarë emocione të shumta nga rrugëtimi i tij.
