Dy anëtarë të ekuipazhit të një helikopteri të ushtrisë amerikane që u rrëzua pranë Ngushticës së Hormuzit të hënën janë shpëtuar nga një dron detar amerikan, kanë bërë të ditur zyrtarë amerikanë për CBS News, partner mediatik i BBC-së.
Ata shtuan se ky ishte operacioni i parë i këtij lloji i kryer nga forcat amerikane.
Komanda Qendrore e SHBA-së (Centcom) më herët njoftoi se dy “ushtarët u shpëtuan në mënyrë të sigurt brenda rreth dy orësh dhe janë në gjendje stabile” pasi helikopteri i tyre AH-64 Apache u rrëzua “pranë bregdetit të Omanit gjatë patrullimit të ujërave rajonale”.
Nuk është e qartë menjëherë nëse mjeti ajror ka pasur një defekt mekanik apo ndonjë problem tjetër teknik, ose nëse është rrëzuar nga zjarri iranian. Incidenti është duke u hetuar.
Në deklaratën e saj të martën, Centcom deklaroi se dy anëtarët e ekuipazhit janë shpëtuar në orën 19:33 EDT (23:33 GMT) të hënën.
“Operacionet e shpëtimit u drejtuan nga Forcat Detare të SHBA-së në Komandën Qendrore dhe Divizioni i 82-të Ajror, me mbështetje nga njësitë e Forcave Ajrore dhe Marinës, përfshirë Task Forcën 59 të Flotës së 5-të të SHBA-së,” thuhet në deklaratë.
autoritetet ushtarakë që folën për CBS News deklaroinë se dy personat janë shpëtuar nga një dron sipërfaqësor pa ekuipazh i operuar nga Task Forca 59.
Në vitin 2024, Task Forca 59 krijoi një njësi të re që fokusohet në “vendosjen operacionale të sistemeve pa ekuipazh të kombinuara me operatorë me ekuipazh për të rritur sigurinë detare në rajonin e Lindjes së Mesme”.
Prishtina Post – lajme të shpejta dhe të sakta.
