Gjatë kontrollit të kryer në vendincident, policët kanë gjetur dhe sekuestruar një thikë, një pajisje elektroshoku, substancë të dyshuar narkotike si dhe mjete të tjera pune, të cilat dyshohet se përdoreshin nga personat e ndaluar.
Për rastin është njoftuar Prokurori kujdestar Arian Frokaj, i cili ka urdhëruar inicimin e veprave penale “Mbajtja në pronësi, kontroll ose posedim i paautorizuar i armëve” dhe “Posedimi i paautorizuar i narkotikëve, substancave psikotrope apo analoge”.
Pas intervistimit në prani të avokatit mbrojtës, të dyshuarit janë dërguar në mbajtje për 48 orë.
Hetimet janë duke vazhduar për të sqaruar prejardhjen e narkotikëve, qëllimin e posedimit të elektroshokut dhe mjeteve të tjera të sekuestruara, si dhe nëse të arrestuarit mund të lidhen me raste të tjera kriminale në kryeqytet.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Prishtina Post – lajme të shpejta dhe të sakta.
