Trik Agency
Kryetari i Federatës së Futbollit të Kosovës, Agim Ademi, ka bërë të ditur se pritjes i ka ardhur fundi dhe se Leon Avdullahu ka vendosur të përfaqësojë Kosovën në arenën ndërkombëtare.
Ademi tha se Leoni e njoftoi atë për vendimin e madh pas takimit që kishin zhvilluar pak kohë më parë, ku ishin diskutuar të gjitha detajet.
Sipas tij, Avdullahu me këtë hap dëshmoi fuqishëm se Kosova mbetet zgjedhje zemre dhe se identiteti e prejardhja nuk mohohen.
“Mirë se vjen Leon, le të nisim së bashku një rrugë të gjatë e të suksesshme për ekipin kombëtar të Kosovës dhe për ty. Të priftë e mbara me Kosovën”, u shpreh kryetari i FFK-së, Agim Ademi.