Dogana kap barna pa banderola në Ferizaj, vlera e tyre rreth 4 mijë euro

Dogana e Kosovës ka njoftuar se gjatë kontrolleve në dy barnatore në Ferizaj janë gjetur 436 pako barna pa banderola të Republikës së Kosovës.

Në një njoftim të Doganës, bëhet e ditur se disa prej tyre mbanin banderola të Serbisë dhe shteteve tjera.

Vlera e tyre është rreth 4 mijë euro.“Mallrat janë sekuestruar dhe dërguar në terminalin doganor për procedura të mëtutjeshme.

Rasti është duke u trajtuar nga njësitet e Doganës së Kosovës”./PrishtinaPost