Muaji gusht shënoi fundin e martesës për 136 çifte.
Në raport me muajin paraprak, ky numër ka shënuar një rënie të lehtë.“Sa u përket shkurorëzimeve të ndodhura në Kosovë për muajin gusht janë 136 raste, krahasuar me muajin korrik kemi rënie të numrit të çifteve të shkurorëzuara për ( – 4 %)”, thuhet në raportin e Agjencisë së Statistikave të Kosovës (ASK).
Me numrin më të madh të divorceve prin qyteti i Prizrenit me 15 cifte të divorcuara, pasuar nga Gjilani me 14 e Gjakova me 13.Klina dhe Skenderaj, kanë nga 9 raste të shkurorëzimeve.
Por në top listen e shkurorëzimeve, nuk qëndron kryeqyteti Prishtina, e cila ka mbetur prapa Prizrenit, Gjilanit, Gjakovës, Klinës e Skenderajt, sa i përket shkurorëzimeve. Në kryeqytet gjatë muajit gusht janë 7 çifte të cilat kanë vendosur t’i japin fund martesës së tyre.
E numër të njëjtë të shkurorëzimeve si Prishtina ka dhe Peja, e cila ka 7 raste.